អន្ធកវិន្ទវគ្គទី២

ម្នាលភិក្ខុទាំងឡាយ ភិក្ខុអ្នកចូលទៅកាន់ត្រកូល ប្រកបដោយធម៌៥យ៉ាង ត្រកូលទាំងឡាយ រមែងមិនស្រឡាញ់ផង មិនពេញចិត្តផង មិនគោរពផង មិនសរសើរផង។ ប្រកប់ដោយធម៌៥យ៉ាងតើដូចម្តេច? គឺជាអ្នកស្និទ្ធស្នាលចំពោះត្រកូល ដែលមិនមានសេចក្តីរាប់អានខ្លួន១ ខ្លួនមិនមែនជាឥស្សរះ តែលើកខ្លួនជាឥស្សរះ១ ជាអ្នកចូលទៅរាប់រកដើម្បីផ្សះផ្សារត្រកូលដែលបែកបាក់គ្នា១ ជាអ្នកច្រើនខ្សឹបជិតត្រចៀកអ្នកឯទៀត១ ជាអ្នកសូមគេចែៗ១ ។ ម្នាលភិក្ខុទាំងឡាយ ភិក្ខុអ្នកចូលទៅកាន់ត្រកូល ប្រកបដោយធម៌៥យ៉ាងនេះឯង ត្រកូលទាំងឡាយ រមែងមិនស្រឡាញ់ផង មិនពេញចិត្តផង មិនគោរពផង មិនសរសើរផង ៕( បិដកលេខ៤៥ ទំព័រ១៩) 

http://dhamma4khmer2.org/Tripitaka/Text/Tipitaka_Vol_045.pdf